Leks 7: Wi spele banen

Det schochst dü üüb detheer sidj

sid 16 -17

Paul hee en würtelk fein jongensrüm – an daaling as Emma tu beschük. Tuiarst haa’s 'Mensk, äärgre di ei!' spelet, oober do haa‘s jo likwent erigt an uk en betj uun a hiaren fingen – nü spele jo mä legostianer. At jaft uk fein tiaren tu spelin bi Paul: swin, aab, krokodiil an eelefant teew üüb’t reewel. Üüb Paul san dööbel könst dü sogoor sat!

Snaake auer det bilj

So küd fraagen tu det bilj ütjsä. Wat küd ham diarüüb swaare?

Wat schochst dü üüb det bilj?
Wat/ Huarmä spele Paul an Emma?
Wat för tiaren wene uun Paul sin rüm?
Huar as Tofel? Huar as det kaat?
Huar kön Paul moole / skriiw?
Kön Paul an Emma uk musik hiar?
Wat för taalen schochst dü üüb de dööbel?
Wat för tiaren stun föör de futbaal?
Wat stäänt üüb’t reewel?
Huar sat de tedi / det krokodiil?

Mäenöler snaake

So küd Paul an Emma mäenöler snaake:

Dialog Paul an Emma - Leks 7

Tuharke

Dialog Paul an Emma - Leks 7

Du ens wat!

Fertel, wat dü hal banen spelest!

Snaake auer det spal, wat dü lefst spelest!

Fertel, wat dü diarbi belewet heest!

En bilj, wat ham uunmoole kön - Leks 7

Spalen, liitjin, riimen

Spalen

  • „Memory“-spalen
  • Spalen, huar ham ham wat mark skal

Wurden tu detheer sidj (wurdenrak)

Heer jaft det en liist mä wurden för al dön saagen, wat üüb det bilj tu sen san, an uk mä wurden, diar brükt wurd, am auer det bilj tu snaakin.

Wurden för Leks 7

Det kön wi nü (Kompetenzen)

  • fering wurden eftersnaake
  • wat faan di salew fertel
  • sai, wat dü hal spelest an wat ei
  • ferstun, wat a skuulmääster sait